ЗАВРШИ ВТОРОТО МЕЃУНАРОДНО СТРУЧНО СОВЕТУВАЊЕ НА ЕКСПЕРТИ ЗА ЗАШТИТА ,,БЗР БЕЗ ГРАНИЦИ”

Во присуство на над 160 учесници, од 15 земји, Македонија, Србија, Грција, Албанија, Бугарија, Косово, Словенија, Италија, Норвешка, Австрија, Шпанија, Босна и Херцеговина, Англија, Русија и Унгарија, претставници на Владини и невладини организации од земјата и од странство, во периодот од 17 – 19 .09.2025 година, во хотел Дрим во Струга, се одржа Второто меѓународно стручно советување на инженери за заштита БЗР БЕЗ ГРАНИЦИ.

Mеѓународното стручно советување на експерти за заштита „БЗР БЕЗ ГРАНИЦИ“, е организирано во соработка и взаемна поддршка на 7 експертски организации од 5 земји од Балканот.
Носител на целата организација е Здружението на инженери за заштита ТУТЕЛА, Скопје, а поддржувачи на настанот се:
– од Македонија: Македонското здружение за заштита при работа и Здружението за безбедност при работа 28 Април,
– од Словенија Комората за безбедност и здравје при работа и Здружението на инженери за безбедност -Љубљана
– од Србија Здружението за безбедност и здравје при работа на Расинскиот округ, Крушевац
– од Косово, Косовското Здружение за безбедност и здравје при работа
– од Грција Грчкиот институт за безбедност и здравје при работа

Ден 1 – 27.09.2023 година

Второто меѓународно стручно советување на експерти за заштита БЗР БЕЗ ГРАНИЦИ, започна во 15:30 часот, кога на присутните им се обрати модераторот на настанот М-р Љупчо Кочовски.

Следеше обраќањето на претседателот на ЗИЗ Тутела, М-р Дејан Ангеловски коJ во име на организаторот на настанот и поддржувачите го истакна следното: ,, Почитувани присутни, Почитуван директор на Државниот инспекторат на труд, почитувани претставници од меѓународни организаци, почитувани колеги, ценети гости и драги учесници,
Денес на ова второ стручно советување на експерти за заштита – БЗР БЕЗ ГРАНИЦИ, кое оваа година го организираме под слоганот DIGIT OSH, имам особена чест и задоволство да ве поздравам во името на Организаторот ЗИЗ ТУТЕЛА, како и во името на поодржувачите на ова стручно советување и воедно да искористам да им изразам и огромна благодарност за поддршката.
Основниот слоган на советувањето БЗР БЕЗ ГРАНИЦИ кажува доволно, безбедноста и здравјето при работа не смеат да познаваат граници – ниту национални, ниту професионални, ниту технолошки.

Нашата мисија е јасна ,,Да ја чуваме човековата безбедност и достоинство на работното место, каде и да се наоѓа тој работник”.
Темата на ова советување – DIGIT OSH – дигитализација и виртуална реалност во безбедноста при работа, е вистински показател дека иднината е веќе тука. Денес зборуваме за алатки и технологии кои вчера изгледаа како научна фантастика: симулации во виртуелна реалност, дигитални платформи за управување со ризици, интелигентни системи што предвидуваат и предупредуваат пред да се случи несреќата.
Но не смееме да заборавиме дека зад секоја технологија стои човек. Зад секоја дигитална алатка стои инженер, визионер и заштитник. Тоа сме ние, вие – генерацијата инженери кои ја градат безбедноста на иднината. Нашата улога не е само техничка, таа е и хумана, општествена и визионерска.
Да не заборавиме – дигитализацијата не е цел сама по себе. Таа е средство за постигнување на она што е најважно: заштита на животот и здравјето на луѓето. Ако новата технологија спаси барем еден живот, ако го заштити здравјето на еден работник, тогаш нашата мисија е исполнета.
Затоа, дозволете ми уште еднаш да ви посакам добредојде и успешна работа на ова советување. Нека оваа средба биде место за размена на идеи и визии – место кое ќе не поттикне да изградиме заедничка иднина каде што безбедноста ќе биде дигитална, но и човечка, односно хумана и одговорна.
Ви благодарам и ви посакувам успешна работа!

Потоа следуваа обраќањата на претставници на државните и меѓународните институции и тоа:

По завршување на делот на отворање на Стручното советување, а пред почетокот на првата сесија, од страна на м-р Љупчо Кочовски пред присутните, беше изнесена Одлуката на организаторот на настанот, да на самиот настан, веќе традиционално, му биде доделена Плакета за остварен и осведочен животен влог во развојот, афирмацијата и промоцијата на заштитата при работа во Република Северна Македонија на проф. д-р Агим Шаќири.

Плакетата му ја додели претставникот на Организацијата на работодавачи на Македонија и Советот за БЗР на Македонија г-ѓа Даниела Китанова.