Во време кога дигиталната трансформација станува секојдневие, вештачката интелигенција (ВИ), има сè поголемо влијание врз начинот на кој работиме и живееме, со сè почеста примена на автоматизација и паметни системи, работните процеси се менуваат, а со тоа и пристапот кон безбедноста и здравјето при работа (БЗР).
Но, како точно технологијата може да помогне во предвидување на ризици, спречување на повреди и унапредување на работните услови?
Токму на овие прашања ќе одговори специјализираната обука:
„ДИГИТАЛИЗАЦИЈА И БЗР – ВЛИЈАНИЕТО НА ВЕШТАЧКАТА ИНТЕЛИГЕНЦИЈА ВРЗ БЕЗБЕДНОСТА И ЗДРАВЈЕТО НА ВРАБОТЕНИТЕ“,
Оваа обука има за цел да ги запознае учесниците со можностите и предизвиците што ги носи дигитализацијата во доменот на БЗР. Ќе се разгледа како ВИ може да помогне во предвидување и спречување на ризици, следење на условите за работа и подобрување на безбедносните протоколи. Од друга страна, ќе се отвори дискусија за потенцијалните ризици што произлегуваат од прекумерната зависност од технологијата.
Преку практични примери и интерактивни активности, учесниците ќе стекнат увид во најновите трендови и алатки што се применуваат во современите организации.
Зошто е важна оваа обука?
Во време кога технологијата се развива со невидена брзина, дигитализацијата и вештачката интелигенција стануваат составен дел од секојдневните работни процеси. Тоа носи бројни предности – поголема ефикасност, прецизност и автоматизација – но и нови предизвици за безбедноста и здравјето на вработените.
Оваа обука е важна затоа што:
- Го подига нивото на свест за тоа како дигиталните алатки влијаат врз безбедноста при работа.
- Покажува како вештачката интелигенција може да помогне во предвидување, следење и спречување на ризици на работното место.
- Овозможува размена на искуства меѓу стручњаци и членови на ЗИЗ ТУТЕЛА за примена на нови технологии во реална практика.
- Ја унапредува експертизата на учесниците во областа БЗР, подготвувајќи ги за иднината на трудот.
- Промовира одговорна дигитална трансформација каде што човекот и неговото здравје остануваат во центарот.
Со стекнување на овие знаења, членовите на ЗИЗ ТУТЕЛА ќе бидат подобро подготвени да ги применат иновациите во корист на безбедноста, продуктивноста и благосостојбата на сите вработени.
ПРЕДАВАЧИ НА ОБУКАТА:
- д-р Трајче Велковски – вонреден професор, Машински факултет, Скопје;
- г-дин Љубомир Раденковиќ – Ренех, Скопје
ВАЖНО!!!
Обуката ќе се организира на 18.11.2025 година (вторник), во Дом на култура „Билјана Беличанец“ – Кисела Вода, ул.Христо Татарчев бр.44, Кисела Вода, 1000 Скопје термините за почеток и крај се одредени во АГЕНДАТА (на крајот од текстов).
Обуката е наменета исклучиво за членови на ЗИЗ Тутела, обуката е бесплатна.
Сите учесници, со положен стручен испит за БР, ќе добијат Потврда за учество на обука (10 бода), согласно Правилникот за начинот на бодувањето на активното и пасивното учество во обуките за стручно усовршување на стручните лица за безбедност при работа и формата и образецот на потврдата за стекнатите бодови за учество на обуката за стручно усовршување (Сл. Весник на Р.М.41/14), а останатите учесници ќе добијат Сертификат за учество.
ПРИЈАВУВАЊЕ!!!
Сите заинтересирани за учество на обуката, потребно е да ја пополнат Пријавата за учество и дa ја достават на e-mail ziztutela5@gmail.com најдоцна до 16:00 часот на ден 14.11.2025 година (петок).
НАПОМЕНА: сите доставени пријави после наведениот термин нема да се земаат во предвид.
Пријавата можете да ја превземете овде:
АГЕНДА
09:15 – 09:55 Регистрација на учесници
09:55 – 10:00 Вовед во програмата
10:00 – 11:30 Сесија 1
11:30 – 12:00 Кафе Пауза
12:00 – 13:30 Сесија 2
13:30 – 14:15 Пауза за ручек
14:15 – 15:30 Сесија 3
15:30 – 16:00 Дискусија и затворање на обуката
*Организаторот го задржува правото да направи измена на агендата
Со почит,
ИО на ЗИЗ Тутела
