28 АПРИЛ – СВЕТСКИОТ ДЕН ЗА БЗР 2025 – ВО ОРГАНИЗАЦИЈА НА СТРУЧНИТЕ ЗДРУЖЕНИЈА ОДБЕЛЕЖАН ВО ДУХОТ НА ОВОГОДИНЕШНОТО МОТО ,,БЗР ОД МАЛИ НОЗЕ – ГРАДИМЕ ЗДРАВА СРЕДИНА ЗА БЕЗБЕДНА ИДНИНА!”

Здружението за заштита при работа на општина Битола, Битола, Здружението за безбедност при работа 28-ми Април, Скопје, Здружението на инженери за заштита ТУТЕЛА, Скопје и Македонското здружение за заштита при работа, како Здруженија кои оваа годна ЗАЕДНО, продолжија да работат на промоција на областа БЕЗБЕДНОСТ И ЗДРАВЈЕ ПРИ РАБОТА, по 8-ми пат организираа настан за одбележувањето на Светскиот ден за безбедност и здравје при работа (БЗР), под мотото  ,,БЗР ОД МАЛИ НОЗЕ – ГРАДИМЕ ЗДРАВА СРЕДИНА ЗА БЕЗБЕДНА ИДНИНА!”.

• 

• 

• 

• 

Пред повеќе од 120 присутни, чинители од областа БЗР, потпретседателот на Советот за БЗР и за настанот претставник на ОРМ г-ѓа Даниела Китанова, претставници на Државниот инспекторат за труд г-ѓа Анета Зафироска и г-дин Игор Маноски, деца од 1-во до 9-то одделение и нивните наставнички, како и директорите од основните училишта ширум државата, претставници на правните субјекти, членови на четирите Здруженија и други присутни, Рагуза 360, Скопје, со почеток во 10:30 часот, беше одбележан Светскиот ден за БЗР 2026 година.

• 

• 

• 

На почетокот од страна на присутните, со едноминутно молчење им беше оддадена почит на настраданите работници на своите работни места.

По воведниот дел на модераторот на настанот  м-р Горјан Зивчески,   на присутните им се обратиja Претседателите на Здруженијата организатори на настанот, и тоа, Македонско здружение за заштита при работа, Скопје г-дин Петар Наумовски, Здружение за безбедност при работа 28 Април, Скопје, г-дин Благоја Богоевски и Здружение на инженери за заштита Тутела, Скопје, м-р Дејан Ангеловски.

• 

• 

• 

Во своето излагање, претседателот на Тутела, Скопје, го истакна следното: ,,Почитувани претставници на државните институции, почитувани колеги, почитувани млади идни генерации. Денес не зборуваме само за правила, не зборуваме само за процедури. денес напротив зборуваме за живот. Секој 28 април, светот застанува и се потсетува: безбедноста и здравјето при работа не се избор, туку основно право на секој човек.
Но денес, предизвикот е поголем од кога било. Не се работи само за машини, алати и ризици што ги гледаме. Се работи и за она што не се гледа, стресот, притисокот, заморот, комуникацијата, односите меѓу луѓето. Темата на МОТ за 2026 година јасно ни кажува дека здрава психосоцијална работна средина е клучот за безбедна иднина, затоа што грешките не настануваат само од невнимание, тие настануваат и од замор, од брзање, од недостиг на поддршка.
И тука доаѓа вистинското прашање: Како се чувствува човекот додека работи?
Но ако сакаме вистинска промена, таа не почнува на работното место, таа почнува многу порано, или поточно, почнува ОД МАЛИ НОЗЕ. Иницијативата „БЗР од мали нозе“ ни покажува една едноставна, но моќна вистина: ако ја научиме безбедноста како вредност уште од детството, ќе ја живееме како навика цел живот.
Во младите е иднината. Во нивните идеи, во нивната свест, во нивната одговорност. Кога дете ќе научи дека безбедноста е важна,
утре тоа ќе биде работник кој не прави компромиси. Ќе биде лидер кој се грижи за луѓето. Ќе биде човек што спасува животи.
Затоа денес овој настан, нека биде повеќе од настан, нека биде пресврт. Да не зборуваме за безбедност само кога има проблем.
Да ја живееме секој ден. Да создадеме работни места каде што
луѓето се чувствуваат сигурно, слободно ќе зборуваат, ќе се поддржуваат меѓусебно и се враќаат дома здрави (физички и психички).
Затоа за крај на ова мое излагање, да запомнеме дека безбедноста не е документ, безбедноста не е обврска, безбедноста е култура.
И таа култура почнува од секој од нас: oд нашата свест. oд нашите постапки, Од нашата одговорност.

После обраќањето на претставниците на Здруженијата организатори на настанот, на присутните им се обратија потпретседателката на Советот за БЗР и претставник на ОРМ г-ѓа Даниела Китанова, претставникот на Државниот инспекторат за труд, г-ѓа Анета Зафироска.

• 

• 

После официјалното обраќање, се пристапи кон доделување на наградите за најдобрите правни субјекти во 2025 година, кои реално и стручно, допринеле во сопствениот развој, инвестирајќи / имплементирајќи добри практики во безбедни и  здрави работни места во РС Македониј, како и прогласување на најдобрите творби од повикот БЗР ОД МАЛИ НОЗЕ 2026.

Во првата фаза од повикот за аплицирање, квалификување и избор, на најдобрите правни субјекти во 2025 година, кои реално и стручно, допринеле во сопствениот развој, инвестирајќи / имплеметирајќи добри практики во безбедни и  здрави работни места, во сите 4 (четири) категории од повикот, апликација поднесоа 18 (осумнаесет) правни субјекти кои работат на територијата на РС Македонија.

Категорија 1 – Услужни дејности (финансиски, информативни, транспорт, трговија, сервисни и други услуги).
Апликација поднесоа 3 (три) правни субјекти.
КОМПАНИЈА СО НАЈДОБРИ ПРАКТИКИ ЗА 2025 ВО ОВАА КАТЕГОРИЈА Е ЛИДЛ СЕВЕРНА МАКЕДОНИЈА ДООЕЛ СКОПЈЕ со примерот “СЕТ МЕРКИ ЗА БЕЗБЕДНА РАБОТА ПРИ ИЗГРАДБА НА РЕГИОНАЛЕН ДИСТРИБУТИВЕН ЦЕНТАР ЛИДЛ СЕВЕРНА МАКЕДОНИЈА  “

Категорија 2 – Административни дејности (адвокатски,нотарски, сметководствени канцеларии..).
Апликација поднесоа 3 (три) правни субјекти. КОМПАНИЈА СО НАЈДОБРИ ПРАКТИКИ ЗА 2025 ВО ОВАА КАТЕГОРИЈА Е ПРО АКАУНТ ДООЕЛ СКОПЈЕ  со примерот ,, ИНТЕГРИРАН ПРИСТАП ЗА УНАПРЕДУВАЊЕ НА БЕЗБЕДНОСТА И ЗДРАВЈЕТО ПРИ РАБОТА НА ВРАБОТЕНИ ВО АДМИНИСТРАЦИЈА”.

Категорија 3 – Производствени, земјоделски, рударски, градежни дејности и сл. .
Апликација поднесоа 7 (седум) правни субјекти.

КОМПАНИЈА СО НАЈДОБРИ ПРАКТИКИ ЗА 2025 ВО КАТЕГОРИЈА 3-А Е ИЗГРАДБА-КОМЕРЦ ДООЕЛ СКОПЈЕ со примерот ,,БЕЗБЕДНА РАБОТА НА ВИСИНА – СЕТ МЕРКИ ЗА СПЕЧУВАЊЕ НА ПАД ОД ВИСИНА”

КОМПАНИЈА СО НАЈДОБРИ ПРАКТИКИ ЗА 2025 ВО КАТЕГОРИЈА 3-Б Е ГЕРЕСХАЈМЕР СКОПЈЕ ДООЕЛ ИЛИНДЕН со примерот ,,ПОМАЛ РИЗИК, ПОГОЛЕМА ПРЕЦИЗНОСТ: МОДЕРНИЗИРАЊЕ НА ПРОЦЕСОТ НА ЛЕПЕЊЕ.

КОМПАНИЈА СО НАЈДОБРИ ПРАКТИКИ ЗА 2025 ВО КАТЕГОРИЈА 3-В Е МАГНА МИРОРС САУТ-ИСТ ЈУРОП ДООЕЛ СТРУГА со примерот ,, ИНТЕГРИРАН ПРИСТАП ЗА СИСТЕМСКО НАМАЛУВАЊЕ НА ЕРГОНОМСКИ РИЗИЦИ ПРЕКУ ИНЖЕНЕРСКИ РЕШЕНИЈА, ПРЕВЕНЦИЈА ВО ФАЗАТА НА ДИЗАЈН И КОНТИНУИРАНА ЗДРАВСТВЕНА ГРИЖА ЗА ВРАБОТЕНИТЕ”.

Категорија 4 – Правен субјект кој најмногу инвестирал во безбедноста и здравјето на своите вработени.
Апликација поднесоа 5 (пет) правни субјекти..
КОМПАНИЈА СО НАЈМНОГУ ИНВЕСТИЦИИ ВО БЕЗБЕДНОСТА И ЗДРАВЈЕТО НА СВОИТЕ ВРАБОТЕНИ ЗА 2025, ВО ОВАА КАТЕГОРИЈА Е ТРИО 95 ДОО ПРИЛЕП

Во првата фаза од повикот „БЗР ОД МАЛИ НОЗЕ“ за 2026 година, за избор на најдобри литературни творби на тема БЕЗБЕДНОСТ И ЗДРАВЈЕ ПРИ РАБОТА (БЗР), изработени од учениците од Р.С. Македонија, повик, кој по осми пат се одржува и станува традиционален , апликација поднесоа учениците од следните Основни училишта:
– ООУ ,,Гоце Делчев”, Битола,
– ООУ ,,Гоце Делчев”, Љубанци,
– ООУ „Елпида Караманди“ – Битола, ПУ с.Цапари,
– ООУ ,,Андреја Савески – Ќиќиш”, Тетово,
– ООУ „Гоце Делчев“ Аеродром, Скопје,
– ООУ„Даме Груев“-с.Ерџелија,
– ООУ Кузман Шапкарев, Кисела Вода,
– ООУ ,,Гоце Делчев‘‘ – Штип,
– ООУ ,,Невена Георгиева ДУЊА”, Кисела Вода, Скопје
– ООУ „Ристо Крле“ Кадино,
– ООУ„ Славејко Арсов“, Штип,
– ООУ„Тошо Велков Пепето“ Кавадарци,
– ООУ „Св. Климент Охридски“, Македонски Брод,
– ООУ„ Никола Карев“ Радовиш,
– ООУ ,,Гоце Делчев”-Илинден,
 – ООУ„Св. Климент Охридски“ с. Драчево

Како проект ,, БЗР од мали нозе”, е одобрен од страна на Министерството за образование и наука (бр.12-883/4 од 06.04.2023 г.) и Бирото за развој на образованието (мислење бр.09-352/2 од 07.03.2023 г.), како настан, за подигање на јавната свест за градење на култура за безбедност и здравје, од најмала училишна возраст кај учениците.
Заклучно со крајниот рок за поднесување (03.04.2026 година) поднесени се вкупно 107 творби (песни и раскази) во четирите категории.. Од нив 9 творби не  соодветствуваат со темата на повикот, односно се пишувани на други теми.

ЗА ЕВАЛУАЦИЈАТА НА ТВОРБИТЕ СЕ ПРИЈАВИЈА 16 (шеснаесет) наставнички/ци.  До крајниот термин 20.04.2026 г. пристигнаа евалуации од 9 (девет) НАСТАВНИЧКИ . Свои евалуации на творбите доставија:
Катерина Николовска – ООУ ,,Гоце Делчев”, Битола
Александар Адамовски – ООУ „Елпида Караманди“ – Битола, ПУ с.Цапари
Билјана Велковска Зиковска – ООУ ,,Невена Георгиева ДУЊА”, Кисела Вода, Скопје
М-р Марија Ристова – ООУ ,,Гоце Делчев‘‘, Штип
Лидија Дузлевска – ООУ„Св. Климент Охридски“ с. Драчево
Катерина Алексова Наумова – ООУ„Даме Груев“-с.Ерџелија
Васе Сиљаноски  – ООУ „Св. Климент Охридски“, Македонски Брод
Марија Сотировски – Стојчевска – ООУ ,,Гоце Делчев”,Илинден
Славица Јаневска – ООУ ,,Андреја Савески – Ќиќиш”, Тетово

Доставените творби беа означени со шифри и ниту еден од евалуаторите не знаеше од кое училиште, ментор и ученик е творбата. При евалуацијата, со цел избегнување на пристрасност во оценувањето, менторите не ги евалуираа творбите кои се доставени од нивните училишта.

Согласно пристигнатите евалуации, резултатите се следни:
Категорија 1 – Песна на тема безбедност и здравје при работа (ученици од прво до петто одделение)

• 

• 

• 

Категорија 2 – Расказ на тема безбедност и здравје при работа (ученици од прво до петто одделение)

• 

• 

• 

Категорија 3 – Песна на тема безбедност и здравје при работа (ученици од шесто до деветто одделение)

• 

• 

• 

Категорија 4 – Расказ на тема безбедност и здравје при работа (ученици од шесто до деветто одделение)

• 

• 

• 

На крајот на настанот м-р Горјан Зивчевски најави дека збирката песни ,,БЗР ОД МАЛИ НОЗЕ 2026″, ќе се промовира во месец Октомври, за време на Европската недела за БЗР , а за догодина во истиот период ги најави:

• 

• 

ПРОДОЛЖУВАМЕ, ЗАЕДНО, СИЛНИ И СЛОЖНИ И ВО 2026 ГОДИНА!!!
ЗА БЗР СЕ РАБОТИ!!!