ВНИМАНИЕ !!!

Почитувани членови на Здружението на инженери за заштита Тутела, Скопје

Согласно своите планирани активности за континуирано стручно усовршување и подигнување на капацитетите на стручните лица за безбедност при работа, Здружението на инженери за заштита Тутела Ве поканува да учествувате на стручна обука на тема:

„РЕШЕНИЈА ЗА ПРОТИВПОЖАРНА ЗАШТИТА И БЕЗБЕДНОСТ НА ОБЈЕКТИТЕ И ВРАБОТЕНИТЕ“

Пожарите претставуваат една од најсериозните закани за безбедноста на луѓето, имотот и деловните процеси. Современите технички решенија овозможуваат навремена превенција, рана детекција и ефикасно справување со ризиците од пожар, при што сè поголемо значење добиваат иновативните системи за активна и пасивна противпожарна заштита.

Во рамките на обуката ќе бидат презентирани современи технологии и решенија од областа на противпожарната заштита, со посебен акцент на:

• Технологија за гасење пожар со водена магла;
• Аеросолни технологии за гасење пожар;
• Пасивна противпожарна заштита;
• Инженерски интегрирани модуларни системи за противпожарна заштита;
• Превентивна заштита од пожар и управување со ризици.

Учесниците ќе имаат можност да се запознаат со најновите технолошки решенија, практични искуства и инженерски пристапи кои успешно се применуваат во современите објекти и индустриски комплекси ширум Европа.

Цели на обуката

• Подигнување на знаењата за современите системи за противпожарна заштита;
• Презентација на нови технологии за рано откривање и гасење пожар;
• Запознавање со принципите на пасивна и активна противпожарна заштита;
• Размена на искуства и добри практики со меѓународни експерти;
• Унапредување на културата на безбедност и превенција во работната средина.

ПРЕДАВАЧИ НА ОБУКАТА

• Dennis Treu – Директор за развој на бизнисот, Industrial Trading S.p.A.;
• Ing. Nikolaos Argyropoulos – Виш менаџер за развој на бизнисот, Fire.Pro Ltd.;
• Ing. Daniele Bertilorenzi – Технички директор, Fixa s.r.l.;
• Ивица Јовановиќ – Специјалист за безбедност од пожар;
• Претставник од Building Safety Network (дополнително ќе биде потврден).

ВАЖНО !!!

Обуката ќе се одржи на 17.11.2026 година, во Дом на култура „Билјана Беличанец“ – Кисела Вода, ул.Христо Татарчев бр.44, Кисела Вода, 1000 Скопје, со почеток во 09:45 часот и предвидено завршување во 16:00 часот.
Регистрацијата на присутните учесници ќе се реализира во периодот од 09:15 до 09:45 часот.
Деталната програма и временски распоред на темите се содржани во Агендата на настанот дадена на крај на оваа објава.

Обуката е наменета исклучиво за членовите на Тутела, Скопје, обуката е бесплатна.

Учесниците ќе имаат можност да поставуваат прашања, да дискутираат со предавачите и да разменуваат професионални искуства со колеги од различни организации и компании.

ПРИЈАВУВАЊЕ

Сите заинтересирани за учество на обуката, потребно е да ја пополнат Пријавата за учество и дa ја достават на e-mail ziztutela5@gmail.com најдоцна до 19:00 часот на ден 14.11.2026 година. (сабота).
Секоја доставена пријава после наведениот термин, нема да биде земена во предвид.

Сите учесници, со положен стручен испит за БР, ќе добијат Потврда за учество на обука (10 бода), согласно Правилникот за начинот на бодувањето на активното и пасивното учество во обуките за стручно усовршување на стручните лица за безбедност при работа и формата и образецот на потврдата за стекнатите бодови за учество на обуката за стручно усовршување (Сл. Весник на Р.С.М. 238/25 ), а останатите учесници ќе добијат Сертификат за учество.

Пријавата за обуката можете да ја превземете овде:

АГЕНДА

• 09:45 – 10:00 | Воведно обраќање и отворање на обуката;
• 10:00 – 10:45 | Технологија за гасење пожар со водена магла – Dennis Treu;
• 10:45 – 11:30 | Аеросолна технологија за гасење пожар – Ing. Nikolaos Argyropoulos;
• 11:30 – 12:00 | Кафе-пауза;
• 12:00 – 12:45 | Пасивна противпожарна заштита;
• 12:45 – 13:30 | Инженерски интегриран модуларен систем за секоја инсталација – Ing. Daniele Bertilorenzi;
• 13:30 – 14:15 | Пауза за ручек;
• 14:15 – 15:00 | Превентивна заштита од пожар – Ивица Јовановиќ;
• 15:00 – 15:45 | Дискусија и прашања;
• 15:45 – 16:00 | Заклучоци и затворање на обуката.

Со почит,

ИО на Тутела, Скопје